Аксубай автоледиларын дәүләт автоинспекторлары котлады
Аксубай дәүләт автоинспекторлары бүген Халыкара хатын-кызлар көненә багышланган «Автоледилар өчен чәчәкләр» акциясе оештырдылар.
Бәйрәм патруле район үзәгенең иң җанлы урынында – Октябрь урамында урнашты.
Дәүләт автоинспекторы Рамил Садыйков руль артында хатын-кыз булган автомобильләрне туктатты, бәйрәм белән котлады, аларга лалә чәчәкләре бүләк итте. Пассажир хатын-кызлар да игътибардан читтә калмады.
Дәүләт автоинспекторы белән бергә постта муниципаль хезмәткәр Татьяна Мартынова да Аксубай хатын-кызларына шатлык бүләк итте, ул аларга Татарстан Дәүләт автоинспекциясе исеменнән котлау открыткалары тапшырды.
Автоледилар җылы котлау сүзләре һәм чәчәкләр өчен рәхмәт әйттеләр. Ә дәүләт автоинспекторы бәйрәмнәрдә дә, шулдай ук эш көннәрендә дә юл хәрәкәте кагыйдәләрен тайпылышсыз үтәргә, юлларда игътибарлы һәм уяу булырга кирәклеген искәртте.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев