Аксубайның үзәк урамы аның исемен йөртә

Александр Матросов батырлыгын кабатлаган Филипп Мазилин турында районда барысы да диярлек белсә, ә менә Алексей Золин турында хәтта бистәдә дә бик азлар гына белә. Аксубайның элек Зур Кызыл дип аталган һәм анда Золиннарның берничә гаиләсе яшәгән төп урам исемен йөртүче нинди батырлыклар кылган соң?

Бу фамилияне йөрткән өч Алексейның гына да Бөек Ватан сугышының төрле фронтларында гомерләре өзелгән. Алексей Семенович Беренче Бөтендөнья сугышы герое – Георгий крестларының тулы кавалерының тәрбиягә алган улы була. Кайзеров Германиясе белән сугышларда күрсәткән шәхси батырлыгы һәм кыюлыгы өчен Семен Золин Гвардия император полкында хезмәт итү хөрмәтенә лаек була.

«Аның сугышчан батырлыклары һәм кыюлыгы һәм шулай ук гыйлемлеге аның сугышчан хәрәкәтендә роль уйнагандыр, мөгаен» – дип яза Николай Янилкин үзенең «Аксубайлылар – Ватан сакчылары» дигән китабында. – Чуаш гаиләсеннән булган гади авыл малае патша армиясендә поручик исеменә кадәр хезмәт итә».

Семен Золин Гражданнар сугышында да халык, Совет хөкүмәте өчен көрәшергә өлгергән. Аларның Феодора белән балалары булмау сәбәпле, ир белән хатын Ключи поселогыннан ятим малайны тәрбиягә алалар һәм аңа Алексей дип исем кушалар.

Әтисе улына үзенең иң яхшы сыйфатларын тапшыра, ә иң мөһиме – Ватанга мәхәббәт. Тимер юл бригадасы составында сугышучы кызылармияче Алексей Золин ОрловКурск дугасында «Кутузов» хәрби-стратегик һөҗүм итү операциясе вакытында һәлак була. Орловтан 22 километр ераклыкта Становой Колодезь тимер юл станциясе янында. Орлов юнәлешендә һөҗүмнәрне Көнбатыш һәм Брянск фронтлары гаскәрләре 1943 елның 12 июлендә башлыйлар. 15 июльдә Үзәк фронт контрһөҗүмгә күчә һәм 18 июльдә элек немецлар яулап алган чикләрне кире ала. 19 июль иртәсендә стратегик һөҗүм КурскКромск юнәлешендә дәвам итә. Көнбатыш һәм Брянск фронтлары һөҗүменең беренче ике көнендә үк дошманның Орлов-Курск дугасындагы тактик зонасын өзәләр. 5 августта Совет гаскәрләре Орловны дошманнан чистарталар.

Мәскәүдә Бөек Ватан сугышы барышында хәлиткеч булган вакыйга уңаеннан зур салют бирелә. Әмма Алексей Золин моны беркайчан да белмәячәк... Ул Орловны азат иткәнчегә кадәр өч көн калгач – 2 августта канкойгыч сугышта һәлак була. Якташыбыз 1849 елда Становой Колодезь тимер юл станциясендә төзелгән Покровский өч престоллы чиркәве территориясендә туганнар каберлегендә җирләнгән.