Аксубайны үлән баса

Һәм бу эш бер генә көн дә туктап тормый, чөнки башкарма комитет штатында башка эшләргә дә җәлеп ителгән нибары өч чаптыручы-эшче бар. Бөтен бистәне колачларга аларның көчләре җитми.

– Безнең үлән чаптыручылар чак кына парк һәм скверларда үләннәрне чаптырырга өлгерәләр, ә үлән тагын үсеп җитә. Үзәк урамнарны һәм җәмәгать киңлекләрен тәртиптә тотарга тырышабыз. Әмма гражданнарның да аңлы булуларын теләр идем, – ди шәһәр тибындагы Аксубай бистәсе башлыгы урынбасары Алмаз бакиров. – Шәһәр тибындагы Аксубай бистәсен төзекләндерү кагыйдәләре нигезендә, бирелгән җир кишәрлеге чикләрендә торак йортлар хуҗалары аны төзекләндерергә генә түгел, ә йорт янындагы территорияне дә биш метр аралыкта яисә машина юлына кадәр (объект юл буенда урнашкан очракта) төзекләндерергә тиеш.