Бәла булмасын өчен – торак йортларда һәм каралты-кураларда янгын куркынычсызлыгы кагыйдәләрен үтәргә кирәк.
Яклау чараларына саранланмагыз – бу сезнең тормышыгызны, торагыгызны һәм мөлкәтегезне саклап калачак – бу хакта Россия гадәттән тыш хәлләр министрлыгының Аксубай һәм Нурлат муниципаль районнары буенча МОНД һәм ПР баш тикшерүчесе, эчке хезмәт майоры Рәсим Ислямов сөйли.
Агымдагы чорда 2026 елның Аксубай муниципаль районы территориясендә 9 янгын чыгу очрагы теркәлгән, 1 очракта коры үләнгә ут капкан, янгыннарда 2 кеше һәлак булган (узган елның шушы чорында — 0). Мисалларның берсе: 2026 елның 17 апрелендә 14 сәгать 34 минутта Савгач авылында каралты-кураларның берсендә янгын чыккан. Янгын чыгуның сәбәбе – электр белән эретеп ябыштыру эшләрен башкарганда кагыйдәләрне бозу. Нәтиҗәдә, сарайлар, мунча, остаханә, ике гаражның түбәсе һәм корылмалардагы милек янып беткән.
Рәсим Ислямов район халкын ут чыганаклары белән эш иткәндә игътибарлы булырга һәм үзеңне һәм якыннарыңны куркыныч астына куймас өчен кагыйдәләрне үтәргә өнди. Янгын ачыкланганда, 101 яки 112 номерлы телефоннан шалтыратырга кирәк.
Фото Рәсим Ислямов архивыннан.
Нет комментариев