Аксубайлылар Ватанга хезмәт итәргә киттеләр

Аның составында: аксубайлылар Риназ Галиуллин, Роман Обаськин, Карасудан Әлфис Камалиев, Яңа Чуаш Адәмсуыннан Николай Кузнецов, Түбән Татар Майнасы авылыннан Айрат Мөхәммәтҗанов.

Май иртәсе җылы, кояшлы иде. Егетләр Мәңгелек ут янында сафта тордылар. Аларны озатырга туганнары, дуслары, район структуралары җитәкчеләре, «Ватанга хезмәт итәм» ветераннар хәрәкәтендә катнашучылар килде. Тантаналы митингны район башлыгы Камил Гилманов ачты.

– Без сезне хәрби эшкә өйрәтергә җибәрәбез, – диде ул. – Ел дәвамында сез хәрби устав буенча яшәячәксез. Сезгә Илебез өчен авыр вакытта хезмәт итәргә туры килә. Сезнең өлкән иптәшләрегез махсус хәрби операция зонасында неонацистлар белән батырларча көрәшәләр, кайберләре аеруча аерылып торалар. Сезнең өчен иң мөһиме – командирларны тыңлау, үзегезне саклау. Әти-әниләргә Ватанны лаеклы саклаучылар тәрбияләгәннәре өчен рәхмәт

Үзәк хәрби округ инспекторы генерал-майор Анатолий Молоствов булачак солдатларга мөрәҗәгать итеп, аларны хәрби фәнне тырышып үзләштерергә, командирларның күрсәтмәләрен төгәл үтәргә һәм иминлек чаралары турында истә тотарга чакырды.

– Белем – ул көч, – дип ассызыклады ул. – Әгәр дә сез хәрби эшне яхшы белсәгез, беркайчан да җиңелмәссез. Чын күңелдән яхшы хезмәт итүегезне телим.

Чирмешән һәм Аксубай районнары хәрби комиссары подполковник Сергей Иванов, ветераннар иҗтимагый оешмасы җитәкчесе Виталий Маркин армиягә китүче егетләргә үгет-нәсихәт сүзләре әйттеләр.

Юлга кузгалыр алдыннан һәр хәрби хезмәткә чакырылучыга бүләк – кәрәзле телефоннар тапшырылды.