Исәп буенча 38 нче гуманитар ярдәм йөге Курск, Херсон, Луганск, Донецк өлкәләре һәм Запорожьеда якташ-сугышчыларга ярдәм йөзеннән 6 мең километрга якын араны узды.
Бу сәфәрнең үзенчәлеге масштаблы техник ярдәм һәм һәр яклаучыга шәхси игътибарны берләштерү булды.
Сугышчыларга 3 автомобиль – ике УАЗа һәм “җиделе”, ике "Урал" мотоциклы, төзелеш материаллары, махсус җиһазлар, 52 яшеренү челтәре (гомуми мәйданы 3660 кв.м), 34 исемле посылка (12се сугышчыларның әти-әниләреннән, 22се волонтерлардан), 75 комплект “Бәхетле солдатка” посылкасы тапшырылды. Шулай ук волонтерлар инжекторлы генератор, рацияләр һәм паурбанклар, сетка-рабица, җылыту материалы, Аксубай лимонады (200 данә – 0,5 литрлы, 100 данә – 1,5 литрлы) җибәрделәр.
Сәфәрне дүртенче тапкыр район җитәкчесе Алмаз Мингулов шәхсән үзе җитәкләде. Гуманитар ярдәм йөртүчеләре, шулай ук ворлонтерлар кебек үк – кемнең ничәнче тапкыр сугышчыларга ярдәм алып баруына карамастан, бу бердәм команда. Гуманитар ярдәм йөген кәрван составында Илшат Заһидуллин (5 нче сәфәре), Анатолий Скворцов (26 нчы сәфәре), Флен Зәйнуллин (7 сәфәре), Нияз Җиһангиров (16 нчы сәфәре), Ленар Мингалиев (9 сәфәре), Сергей Ипеев (4 сәфәре) һәм беренче тапкыр баручы йөртүчеләр Айдар Гайнуллин, Марат Гатин һәм Андрей Крайнов бар иде.
– Үз бурычларын намус белән үтәүче үзебезнең батыр сугышчы-егетләребез белән шәхсән аралаштык. Аларның көнкүрешен үз күзләребез белән күрдек, ихтыяҗлары турында белдек, Аксубай районының барлык кешеләреннән теләктәшлек сүзләрен тапшырдык, – диде район Башкарма комитеты җитәкчесе Алмаз Мингулов. – Татарстан Республикасы вице-премьеры Фәнил Әһлиуллинга безнең шефлыкка алынган Лисичанск һәм Рубежное шәһәрләренә ярдәм күрсәтүне координацияләү һәм оештыруда ярдәм итүе өчен ихлас рәхмәтемне белдерәсем килә. “Аксубай урман хуҗалыгы” ДБУ, Урман хуҗалыгы министрлыгына гуманитар ярдәм йөген һәм урман төзү материалларын формалаштыруда ярдәм иткән өчен, “Чистай” ХКның “Аксу Агро” ҖЧҖ, “Волга-Селект” ҖЧҖ коллективларына, барлык эшмәкәрләргә, предприятие һәм оешма коллективларына, волонтерларга һәм авыл җирлекләренә, битараф булмаган гражданнарга сугышчыларга ярдәм иткән өчен аерым рәхмәт.
Тыл һәм фронт һаман да бердәм булып кала! Иң мөһиме, мондый һәр сәфәр – бер тапкырлы акция түгел, ә системалы эшнең бер өлеше. Инде хәзер үк волонтерлар сугышчылардан яңа заказлар алдылар һәм киләсе, 39 нчы миссиягә әзерләнәләр. Бу Ватанны яклаучыларыбыз үз бурычларын үтәгәндә, Аксубай районы аларга ярдәм итү өчен мөмкин булганның барысын да эшләячәген исбатлый.
Нет комментариев