Аксубайдан «Нечкәбил» бәйгесендә катнашучы район җитәкчелегеннән бүләк алды

Татьяна Крайнова республика сәхнәсендә тәкъдим иткән программа якты, тәэсирле һәм тирән эмоциональ иде. Анда буыннарның ныклы бәйләнеше – Бөек Ватан сугышы геройларыннан алып Ватанны саклаучыларга кадәр – ачык чагылыш тапты.

– Сез бәйгедә безнең районны лаеклы тәкъдим иттегез һәм республика жюри әгъзаларының иң югары бәясен хаклы рәвештә алдыгыз, – дип билгеләп үтте район башлыгы бәйге катнашучысына бүләк тапшырып.

Татьяна Крайнова залдагы хезмәттәшләренә мөрәҗәгать итте:

– Үз чиратымда, программаны әзерләргә һәм тәкъдим итәргә ярдәм иткән барлык кешеләргә ихлас рәхмәтемне белдерәм, – диде. – Бу район мәдәният йорты, үзәк китапханә, музей, балалар сәнгать мәктәбе, Аксубай 2 нче мәктәбе һәм АТУТ студентлары. Безнең уртак хезмәтебез яхшы нәтиҗә бирде.