Хәрәкәт итү өлешендә юл йөрү кагыйдәләрен кискен үтәргә кирәк – дип искәрттеләр «Нежность» комплекслы үзәгендә социаль хезмәт алучыларга.
Социаль учреждениедә ял итүчеләр – өлкән яшьтәге кешеләр. Кайчакта аларга юлларда игътибарлы булу, барыргамы яисә көтеп торыргамы, сулгамы, әллә уңга борылыргамы, дип дөрес карар кабул итү кыен. Үзәктә бу категория социаль хезмәтләр алучылар өчен Нурлат шәһәре буенча ГБДДның территориаль идарәсенең профилактика җитәкчесе Гөлфия Гыймалетдинова һәм Россия ЭЭМның Аксубай районы буенча ЮХИДИ бүлегенең профилактика буенча әйдәп баручы белгече Татьяна Мартынова белән кызыклы очрашу оештырдылар.
Юлларда куркынычсызлык хезмәте вәкилләре ветераннарга машина йөртүчеләр, велосипедчылар, җәяүлеләр өчен юл хәрәкәте кагыйдәләре турында искә төшерделәр. Алар Татарстан буенча юл вакыйгалары турында мәгълүматлар китерделәр, аларның нәтиҗәләре турында сөйләделәр. Рәсми кунаклар әңгәмәдә катнашучыларга юл йөрү кагыйдәләре белән белешмәлекләр һәм яктылыкны кире кайтара торган элементлар өләштеләр.
Фото: «Нежность» КЦСОН архивыннан.
Нет комментариев