Аксубайда тармак ветераннарын Әниләр көне белән котладылар

«Нежность» халыкка социаль хезмәт күрсәтү комплекслы үзәгендә Халыкара Әниләр көненә багышланган концерт булды.

Социаль-тернәкләндерү бүлеге хезмәткәрләре алдында район мәдәният йортының Нина Волкова җитәкчелегендәге «Златоцвет» вокаль ансамбле чыгыш ясады.

Үзәктә сәламәтлекләрен ныгытучы тармак ветераннары җирле артистларның чыгышын җылы кабул иттеләр. Концерт тамашачыларның бердәм алкышлары астында узды. Артистлар халыкчан, заманча җырлар башкарып, аларны чын күңелдән сөендерделәр.

Фото: «Нежность» КЦСОН архивыннан.