Аксубайда Кулланучылар хокукларын яклау көне узды
Кулланучылар хокукларын яклау көне кысаларында Роспотребнадзорның территориаль бүлеге беренче разрядлы өлкән белгече Гүзәл Исмәгыйлева, Түбән Кама территориаль бүлеге контроль-инспекция бүлеге эксперты Ирина Ершова, район икътисады бүлегенең әйдәп баручы белгече Елена Лодоркина җәмәгать туклануы объектларына рейдлар үткәрделәр.
1983 елдан башлап Россиядә март аенда ел саен Кулланучылар хокукларын яклау көне билгеләп үтелә. Ел саен ул билгеле бер темага кагыла. 2026 елда ул «Куркынычсыз товарлар, ышанычлы кулланучылар» девизы астында узды. Рейдта катнашучылар бу көнне азык-төлек товарлары сатучы предприятиеләрдә дә булдылар, сатучылар, кибет директорлары белән аралаштылар, азык-төлек товарлары сату буенча таләпләрне искә төшерделәр. Сатып алучылар белән экологик чиста һәм сәламәтлек өчен файдалы продуктлар сайлау турында сөйләштеләр, гражданнарга аларның хокуклары һәм бу хокукларны яклау механизмы турында мәгълүматлар бирделәр.
– Сатып алганда үзеңне ышанычлы хис итү өчен берничә гади кагыйдәне үтәү дә җитә, – диде Гүзәл Исмәгыйлева. – Этикеткаларны укырга кирәк. Составы, яраклылык вакыты, җитештерүче – бу мөһим. Әгәр мәгълүмат юк яки ул аңлашылмый икән, сатып алудан баш тарту яхшырак. «Гадел билге» кушымтасын кулланыгыз. Бу товарның легальлеген тикшерергә ярдәм итә торган кушымта. Кодны йөкләп алыгыз һәм барысының да тәртиптәме икәнлеген белерсез. Әгәр кибеттә срогы чыккан яки куркыныч товар күрсәгез – Роспотребнадзорга хәбәр итегез. Сезнең уяулыгыгыз башка кешеләрне күңелсезлек очракларыннан саклап калырга мөмкин.
Ведомство вәкилләре гражданнарга тематик буклетлар да өләштеләр.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев