Төзекләндерү кагыйдәләре нигезендә, район үзәгендәге Аксубай шәһәр тибындагы бистәсендә шәхси йортларның милекчеләре һәм яллаучылары үз җир кишәрлекләре чикләрендә үләннәрне чаптырырга тиеш.
Яисә инде, әгәр участок рәсмиләштерелмәгән булса, шулай ук йорт каршындагы территориядә 5 метр ераклыкта яисә машина йөрү өлешенә кадәр (әгәр йорт юл буенда урнашкан булса) фактик чикләр буенча.
– Халыкны үз йортлары янындагы территорияләрне тәртипкә китерүләрен, ә предприятие һәм оешма җитәкчеләрен административ биналар тирәсендә һәм алар янындагы территорияләрдә үләннәрне чаптыруларын сорыйбыз, – дип искәртте Аксубай шәһәр тибындагы бистәсе башлыгы урынбасары Алмаз Бакиров. – Төзекләндерү кагыйдәләрен бозу Административ хокук бозулар турында ТР кодексының 3.6 маддәсе буенча административ җаваплылыкка китерә. Штрафлар гражданнар өчен – 2 000 сумнан 3 500 сумга кадәр; вазыйфаи затлар өчен – 15 000 сумнан 30 000 сумга кадәр; юридик затлар өчен – 200 000 сумнан 500 000 сумга кадәр. Административ комиссия район үзәгенең бөтен урамнарында рейдлар оештыра.
Аксубайда төзекләндерү эшләре актив алып барыла: махсуслаштырылган техника үләнне чаптыра, ә эшчеләр бригадалары һәм бюджет оешмалары хезмәткәрләре, чапкычлар белән коралланып, җәмәгать территорияләрен, паркларны һәм скверларны тәртипкә китерәләр. Ләкин, әлегә барысы да алардан үрнәк алмый. Алда – Сабан туе милли бәйрәме, ул Аксубай җирендә, зур авылларда һәм район үзәгендә кунакларны һәм якташларны җыячак. Без, чын хуҗалар буларак, аларны икмәк-тоз белән генә түгел, урамнарның, паркларның һәм скверларның чисталыгы белән дә каршы алырга тиешбез.
Нет комментариев