Аксубайда булачак беренче сыйныф укучыларын һәм күп балалы гаиләләрне хөрмәтләделәр

Чараның тантаналы өлеше балачак беренче сыйныф укучыларына «Мәктәпкә җыенырга ярдәм ит» акциясе кысаларында сумкалар тапшырудан башланып китте. Район җитәкчелеге һәм яшьләр эшләре буенча министры балаларны шәхсән котладылар – быел беренче тапкыр парта артына утырачак балалар көчле алкышлар астында импровизацияләнгән сәхнәгә чиратлап чыктылар һәм үзләренең беренче мәктәп букчаларын алдылар.

Аннары бала туган өчен өчен бер тапкыр түләнә торган сертификатларны тапшыру тантанасы булды. Аларны алучылар арасында Андрей һәм Марина Бикмуллиннар, Николай һәм Алена Ярмушкиннар, Евгений һәм Галина Васильевлар, Евгения Галимова, Леонид һәм Гөлшат Сергеевлар, Юлия Чернова гаиләләре бар иде.

Шулай ук җирле яшьләр хәрәкәтенә дә игътибар бирелде. Кәкре Күл мәктәбеннән Наталья Купцова “Беренчеләр хәрәкәте” Бөтенроссия бәйгесендә катнашкан өчен призер дипломы алды, ә яшьләр сәясәте активистлары Татарстан Рәисе ярдәмчесеннән Рәхмәт хатлары белән билгеләп үтелде.

Традицияне дәвам итеп, бу көнне күп балалы гаиләләрне дә хөрмәтләделәр. “Татавтодор”ның Аксубай филиалы директоры Фәнис Сафин үз кул астында эшләүче хезмәткәрләр – Ивановлар һәм Писаревлар гаиләләренә Рәхмәт хатлары тапшырды.

Бәйрәм кичәсе җирле артистларның концерт номерлары белән тәмамланды, алар тамашачыларга яхшы кәеф һәм уңайлы хис-кичерешләр бүләк иттеләр.