Аксубай ветеринарлары хайваннарның котыру авыруына каршы вакциналар тараталар

Таратылган материаллар балык фаршыннан ясалган алдагыч җим, аның эчендә сыек вакцина белән кечкенә контейнер бар. Кыргый хайваннар әлеге алдагыч җимне исе буенча табалар, авызларына кабалар һәм контейнер эчендәге вакцина аларның авыз куышлыгының лайлалы тышчасына эләгә. Шул рәвешле, хайваннар авыруны профилактикалау өчен бик кирәкле вакцинаны алалар.

Котыру авыруы – хайваннар һәм кеше өчен аерым куркыныч авыру. Бүгенге көндә аңа каршы дәвалау эшләнмәгән, авырудан саклану чарасы булып үзвакытында профилактика ясау тора.

Фото: ветеринария берләшмәсе архивыннан.