Аксубай урманнарындагы чүп-чар табигатькә ничек тәэсир итә һәм моның белән нишләргә

Калдыклар, чүп-чар өемнәре, шул исәптән махсус сакланучы табигать территорияләрендә экосистемаларга зур зыян китерә, туфракны, сулыкларны пычрата һәм хайваннарга зыян китерә. Стихияле чүплекләр калдыкларны җыю һәм алып китү өчен кирәкле инфраструктура булмау, шулай ук урманга килүчеләрнең игътибарсыз мөнәсәбәте аркасында да барлыкка килә.

Еш кына пычрануның сәбәбе ял иткәннән соң чүп-чар калдыручы кешеләр. Урманга сакчыл мөнәсәбәт һәр кешедән башлана: чүп-чарны җыярга, калдыкларны төргәкләү өчен пакетлар, махсус контейнерлар кулланырга кирәк.

Күптән түгел әңгәмә вакытында Аксубай урманчылыгының баш урманчы-җитәкчесе Андрей Ильмухин 8 сентябрьдән ике айга сузылачак «Татарстанның чиста урманнары» көзге акциясе игълан ителүен хәбәр иткән иде.

– Хезмәт коллективларының, иҗтимагый формированиеләрнең һәм битараф булмаган гражданнарның табигатькә булган мәхәббәтләрен, аның киләчәге турында кайгыртуларын акциядә катнашып күрсәтү өчен яхшы мөмкинлекләре бар, – дип ассызыклады ул.

Исегезгә төшерәбез, урманнарда чисталык өчен һәркем җаваплы – үз артыңнан чүп-чарны җыярга һәм махсус контейнерларны кулланырга кирәк. Бу табигатькә сакчыл карарга һәм урманда ял итүне барлык кеше өчен уңайлы һәм имин итәргә ярдәм итәчәк.