Аксубай урман хуҗалыгы дәүләт урман фондында янгынга каршы юлларны реконструкцияли һәм төзи.
Бу – гамәлдәге челтәргә өстәмә юллар. Алар автотранспортның сулыкларга һәм аеруча янгын куркынычы булган участокларга баруын тәэмин итә.
Эшләр Аксубай, Ибрай һәм Чабаксар участок урманчылыклары территорияләрендә башкарыла. Аларның гомуми озынлыгы 14 километр тәшкил итә.
Янгынга каршы юлларны реконструкцияләү кысаларында юл өслеген чистарту һәм тигезләү, шулай ук канаулар, инешләр һәм башка су киртәләре аша чыгу урыннарын һәм күперләрне ремонтлау эшләре алып барыла.
Фото Аксубай урманчылыгы архивыннан.
Нет комментариев