Аксубай урманнары ышанычлы сак астында

Урманчылар үз бурычларын лаеклы үти: узган җәйге сезонда 38 километр озынлыктагы минеральләштерелгән полосалар үткәрелгән, 175 километр озынлыктагы полосалар яңартылган (план үтәлеше – 100 процент), участок урманчылыклары территориясендә ун беседка ремонтланган, янгынга каршы темага тугыз агитация баннеры, янгын куркынычы сезоны вакытында автотранспорт белән урманга керүне тыйган сигез шлагбаум урнаштырылган, дәүләт урман саклау хезмәткәрләре тарафыннан урманда янгын чыгуга юл куймау буенча 790 патрульлек үткәрелгән. Шулай ук 2023 елга урман янгыннарын сүндерү планнары да эшләнгән һәм янгын сүндерү-коткару бүлеге белән расланылган.

Урман хуҗалыгы һәм урманчылык Россия гадәттән тыш хәлләр министрлыгының ТР буенча 102нче янгын сүндерү-коткару бүлеге, районның ашыгыч һәм авария-коткару хезмәтләре белән берлектә тактик-махсус өйрәнүләрдә катнашты.