«Хыял» социаль приютында тәрбияләнүчеләрнең «Импульс» волонтерлар отряды «Чиста яр буе» акциясендә катнашты.
Аксубайның иң матур урыннарыннан берсе булган яр буенда еш йөрүчеләр ямьсез картинага тап була – яр буенда бөтен җирдә чүп-чар аунап ята. «Хыял» балалары сулыкны чистартырга булганнар һәм беррәттән кешегә аның табигать каршында барысы өчен дә җаваплы булуын аңлатырга тырыштылар. Үзләреннән соң чүп-чар ташлап калдыручылар үз гамәлләреннән оялсыннар иде, диләр алар.
Эковолонтерлар отряд остазы Елена Кулькова белән намуслы эшләделәр: алар судан чүпләрне тартып чыгардылар, уннарча капчык пластик шешәләр, башка көнкүреш калдыклары белән тулды.
Нет комментариев