Казан студентлары отряды – «Мирас» волонтерлар командасы – Аксубай универсаль технологияләр техникумында булды.
Кунаклар чын кызыксыну белән бина тормышын өйрәнделәр: булачак аграрийлар, пешекчеләр агрономия, авыл хуҗалыгы машиналары төзү һәм кулинария осталыгы серләрен үзләштерә торган аудиторияләрне карадылар. Җирле студентлар белән бергә алар эшкә тотындылар – бердәм рәвештә ишегалдын кардан чистарттылар, хезмәтне күңелле команда акциясенә әйләндерделәр.
Техникумда волонтерларны Аксубай районы башлыгы Алмаз Мингулов кабул итте. Ул яшьләрне җылы сәламләде:
– Сезнең инициатива реаль нәтиҗәләр бирә, – дип ассызыклады ул. – Сез безнең балаларга яхшы үрнәк булдыгыз һәм практик яктан карны җыештырып, бәяләп бетергесез ярдәм күрсәттегез. Чын күңелдән яңа уңышлар телим!
Казанлылар укучылар өчен мавыктыргыч осталык дәресе үткәрделәр, ә тәмле төшке аш вакытында хуҗалар белән иркенләп аралаштылар, идеяләр һәм планнар белән уртаклаштылар.
Фото яшьләр эшләре һәм спорт бүлеге архивыннан.
Нет комментариев