Аксубай тәрбиячеләре зональ бәйгедә һөнәри осталыкларын күрсәттеләр

Алар – «Кояшкай» балалар бакчасы укытучысы-логопеды Марина Хисамова, «Салават күпере» балалар бакчасының татар телен укыту буенча тәрбиячесе Гөлфия Шәйхисламова һәм Яңа Аксубай башлангыч гомуми белем бирү мәктәбе тәрбиячесе Наталия Ильдуганова. Безнең педагогларыбыз үз белгечлекләре буенча нәниләр белән эшләүдә эшләнмәләр һәм осталыкларга ия, һөнәри планда югары дәрәҗәгә ирешкәннәр.

Алар республиканың алты районыннан килгән вәкилләр белән ярыштылар, балаларны тәрбияләү һәм укыту буенча иң яхшы теоретик белемнәр, практик күнекмәләр һәм тәрбияләнүчеләр белән бай аралашу тәҗрибәләрен күрсәттеләр.