Район газетасы беренче сыйныфка укырга баручы Владислав Гордеевны белем иленә хәер-фатиха биреп озатты.
Традиция буенча, «Татмедиа» АҖ «Мәктәпкә җыенырга ярдәм ит» акциясе кысаларында балалары беренче сыйныфка баручы хезмәткәрләрнең балаларына мәктәп букчасы бүләк итә.
Влад – «Татмедиа» АҖ филиалы район газетасы редакциясенең smm-белгече Ирина Гордееваның җиде яшьлек улы. Ул мәктәпкә барасы килүен, ә каникуллар дәвам иткән чорда вакытны бушка уздырмавын, пластилиннан сыннар коллекциясен әзерләвен һәм әнисенең ялын көтүен әйтте.
– Без сиңа укучы өчен иң мөһим булган – портфель тапшырабыз, ул бераз тылсымлы. Әгәр син тырышсаң, укытучыны тыңласаң һәм барлык биремнәрне дә тырышып үтәсәң – дәфтәреңдә гел бишле билгеләре генә булачак, – дип теләкләрен җиткерде булачак беренче сыйныф укучысына баш мөхәррир Людмила Жаренова.
Нет комментариев