Аксубай районының Иске Үзи авылында патриотлар үсә

Аксубай районы башкарма комитеты җитәкчесе вазыйфаларын башкаручы торак пунктларны йөреп чыга, социаль объектларда була.

Алмаз Мингулов һәм район башлыгы урынбасары Илшат Заһидуллин Иске Үзи авыл җирлегендә булдылар.

Иске Үзи авыл җирлеге башлыгы Надежда Айдова җирлекнең ничек яшәве, беренче чиратта нинди проблемаларны хәл итәргә кирәклеге турында сөйләде. Авыл мәдәният учагында тәрәзәләр, фойедагы идәннәр ашыгыч алыштыруны таләп итә. Күптән түгел мәдәният йортында тамашачылар залында кәнәфиләр, түшәм яңартылган. Мәдәни чаралардан тыш, монда балалар һәм өлкән буын белән төрле эшләр оештыралар. Авылның барлык кунакларын үз музейларына чакыралар, анда экспонатларның күпчелеге авыл оешканнан алып дан тоткан атларга багышланган.

Ә менә 49 бала укый торган авыл мәктәбендә тәрәзәләр алыштырылган, түбә ябылган, биредә уңайлы һәм якты. Быел мәктәптә чыгарылыш сыйныф укучыларының һәм беренче сыйныфка баручы балаларның булмавы кызганыч.

Хәтта спорт залында да быел иганәчеләр көче белән косметик ремонт ясаганнар. Әмма мәктәп коридорларында да, сыйныфларда да, спорт залында да идәннәр капиталь ремонт таләп итә.

Мәктәптә тиешле дәрәҗәдә белем бирәләр, мәктәп программасы фәннәреннән һәм туган якны өйрәнүдән тыш, якташ-геройлар мисалында патриотик тәрбия дә бирәләр.

Мәктәп музее мөдире Борис Захаров авылның барлыкка килү тарихы, Бөек Ватан, Әфган, Чечен, махсус хәрби операциядә катнашучылардан башлап, һәр Ватан сакчысы турында сөйләде. Музейда сугыш геройларына аерым экспозицияләр багышланган.

Алмаз Мингулов фельдшер-акушерлык пунктында да булды, аның хезмәткәрләре белән аралашты. 11 сабый йөрегән балалар бакчасына да керде.

Җирлек белән танышу тюльпаннар, чәчәк үсентеләре, помидор һәм кыяр үстерү белән шөгыльләнүче Геннадий Петрушковның теплица хуҗалыгында булу белән тәмамланды. Ул продукцияне Аксубайда һәм Чистайда сата.

Геннадий Николаевич бу аларның гаилә бизнесы булуы, производствога хатыны, кызлары һәм кияве җәлеп ителгән булуы турында сөйләде.

– Сез яхшы юнәлеш алгансыз, ялланып эшләүче эшчеләрне җәлеп итеп, аны үстерергә һәм сатуны Казанда һәм башка шәһәрләрдә җайга салырга кирәк, – дип билгеләп үтте Алмаз Мингулов.