Район Башкарма комитеты җитәкчесе Алмаз Мингулов авыл хуҗалыгы һәм азык-төлек идарәсе җитәкчесе Борис Соломонов белән бергә, Иске Кыязлы авыл җирлегендә урнашкан авыл хуҗалыгы предприятиеләрендә булдылар.
Эш сәфәре «Мөхәммәтов Н.Г.» КФХсында, Әлфирә Шакирова КФХсында, Шакиров шәхси ярдәмче хуҗалыгында (бакча) һәм «Яруллин Ф.В.» КФХсында (Кызыл Тау) үтте.
Алмаз Мингулов һәм Борис Соломонов территорияләрне карап чыктылар, мөгезле эре терлекләрне һәм савым сыерларын тоту һәм ашату шартлары белән таныштылар, авыл хуҗалыгы оешмалары җитәкчеләре белән очраштылар, хуҗалыкларны алга таба үстерү планнары һәм мөмкинлекләре турында фикер алыштылар.
Шулай ук Кызыл Тау авылында урнашкан «Аксубай» кулланучылар кооперативында да булдылар. Биредә ит ярымфабрикатлары – пилмән, мантый, голубцы, тутырма һәм башка бик күп эшләнмәләр җитештерелә. Барысы да кулдан эшләнә – кулланучылар өйдәге кебек әзерләнгән менә шундый ризыкларны өстен күрәләр. Җитәкчеләр шулай ук әлеге кооперативның перспективалары турында фикер алыштылар.
Фото: район Советы архивыннан.
Нет комментариев