Аксубай районында «Хәтер бакчасы» акциясенә кушылыгыз!

ТР Министрлар Кабинетының 2026 елның 16 апрелендәге 702-р номерлы боерыгы нигезендә 25 апрельдән 2 майга кадәр бөтен республика буенча урман фонды җирләрендә агачлар утыртылачак. Бу Россия халыкларының бердәмлеге елының һәм Татарстанда хәрби батырлык һәм хезмәт фидакарьлеге елының бер өлеше.

2026 елда акция «Экологик иминлек» милли проекты кысаларында җиденче тапкыр уздырыла. Оештыручылар 27 миллион агач утыртырга планлаштыра — сугыш елларында һәлак булган һәр кешегә берәр төп. Махсус хәрби операция бурычларын үтәгәндә һәлак булган геройлар хөрмәтенә истәлек аллеяларына аерым игътибар биреләчәк.