Савгач авылында Хәрби дан мемориалында Хәрби хәрәкәтләр ветераннары көненә багышланган «Буыннар истәлеге» патриотик акциясе узды.
Чарада Савгач мәктәбе укучылары һәм «Ватанга хезмәт итәм» иҗтимагый оешмасының сугышчы-ветераннары катнашты.
Акциядә катнашучылар һәлак булган һәм бүгенге көндә безнең арада булган геройларны искә алдылар, батырлыклары һәм фидакарьлекләре өчен тирән рәхмәт белдерделәр. Бу кешеләр тарихның тере шаһитлары булдылар, ә аларның батырлыклары киләчәк буыннар йөрәгендә мәңгегә калачак.
Әлеге акция үсеп килүче буын өчен аеруча әһәмиятле – укучылар моның никадәр мөһим булуын һәм Ватанга хезмәт итүнең җаваплы булуын тойдылар. Авылда да шундый каһарманнар яши – тиңләшер кешеләр бар.
Фото Савгач авылы ветераннар штабы архивыннан.
Нет комментариев