Аксубай районында сөт һәм ит җитештерү арта

Район авыл хуҗалыгы һәм азык-төлек идарәсе мәгълүматларына караганда, районда 8170 баш мөгезле эре терлек исәпләнә (узган елга карата 102 процент), шул исәптән 3913 савым сыеры. Ел башыннан алып 18,5 мең тонна сөт савып алынган (2023 елга карата 103 процент). Сигез айда 817 тонна ит җитештерелгән (107 процент). 

 Терлекләрне кышлатуны уңышлы уздыру өчен бер баш шартлы терлеккә 30,7 центнер азык берәмлеге әзерләнгән. Районның авыл хуҗалыгы предприятиеләрендә кукуруздан силос салуга керештеләр.