Аксубай районында миграция буенча дәүләт пошлиналарының яңа күләмнәрен аңлаттылар

Бу хакта тәфсилләп Россия ЭЭМның Аксубай районы буенча эчке эшләр бүлегенең миграция пункты җитәкчесе, полиция майоры Гөлнара Сөләйманова сөйләде.

– Үзгәрешләр физик затларга да, эш бирүчеләргә дә кагыла, – диде Гөлнара Сөләйманова. – Зинһар, мөрәҗәгатьләрегезне алдан планлаштырыгыз һәм яңа тарифларны исәпкә алыгыз.

Дәүләт пошлиналарының яңа күләмнәре:

• чикне күп тапкырлар кичү өчен виза рәсмиләштерү – 6000 сум;
• керү өчен чакыру бирү – 8000 сум;
• яшәүгә рөхсәт (ВНЖ) бирү – 30 000 сум;
• вакытлыча яшәүгә рөхсәт (РВП) рәсмиләштерү – 15 000 сум;
• белем алу максатларында вакытлыча яшәүгә рөхсәт (РВПО) рәсмиләштерү – 8 000 сум;
• чит ил хезмәткәрләрен җәлеп итүгә рөхсәт бирү – һәр чит ил кешесе өчен 15 000 сум;
• эшкә рөхсәт рәсмиләштерү – 5000 сум;

Россия Федерациясе гражданлыгына кабул итү һәм аннан чыгу – һәр кеше өчен 50 000 сум.

Шулай ук яшәү рөхсәтнамәсен (ВНЖ) алыштыру өчен – 6000 сум, ә вакытлыча яшәү рөхсәтенең (РВП һәм РВПО) дубликатын бирү өчен 5000 сум күләмендә дәүләт пошлиналары кертелә.