«Уылдык чәчү» операциясе барышында Татарстан Республикасының Биоресурслар буенча дәүләт комитеты хезмәткәрләре браконьерны «Сөлчә елгасы» табигый истәлекле урын территориясендә тотканнар.
Чистай районы кешесе законсыз рәвештә 546 кысла тоткан; тоткарлаганда аңардан 36 кысла тоту җайланмасын йолып алганнар.
«Якынча исәпләүләр буенча, су биоресурсларына китерелгән зыян 125 мең сум тәшкил итә. Хәзерге вакытта РФ Җинаять кодексының 256 нчы маддәсе («Су биологик ресурсларын законсыз алу (тоту)») буенча җинаять эше кузгату мәсьәләсе карала», — дип хәбәр иттеләр Татарстан Республикасы Биоресурслар дәүләт комитетында.
– Иске Ибрай буасы территориясе махсус сакланучы зонага керә, – дип билгеләп үтте Аксубай районының хайваннар һәм үсемлекләр дөньясы һәм махсус сакланучы табигый территорияләр өлкәсендә дәүләт күзәтчелеге бүлеге җитәкчесе Николай Крайнов. – Бу кеше нәкъ менә шушы урында браконьерлык гамәлләрен башкарган, бу хокук бозуны тагын да көчәйтә: ресурсларга зыян китерүдән тыш, ул территорияне саклау режимын бозган һәм җирле экосистеманы куркыныч астына куйган.
Николай Крайнов фотосы.
Нет комментариев