Аксубай районында бәйрәм кичәсе гүзәл ханымнарга багышланды

Бу кичне тамаша залында битараф булмаган, актив хатын-кызлар – волонтерлар җыелды. Алар әлеге якты бәйрәмгә фикердәшләре белән бергә булу өчен төрле авыллардан килделәр.

Волонтерлар махсус хәрби операциядә катнашучыларның әниләрен, хатыннарын һәм апа-сеңелләрен торып басып, көчле алкышлар белән каршы алдылар. Залда шатлыклы мохит хөкем сөрде.

Район мәдәният йортының иҗат коллективы кичәдә катнашучылар өчен язгы рух белән сугарылган онытылмаслык программа әзерләде. Кичә котлау белән башланды. Тәбрикләү сүзе белән район башлыгы Камил Гилманов мөрәҗәгать итте.

–Кадерле хатын-кызлар! Сезне чын күңелдән яз бәйрәме белән котлыйм! Якты кәеф, бәхет, мәхәббәт, иминлек, башлангычларда уңышлар телим, – диде ул. – Сез -– иң яхшы һәм батыр кешеләр. Сезнең җилкәгә балалар һәм йорт турында кайгырту, барлык көнкүреш мәсьәләләрен хәл итү төште. Сез – аналар, хатын-кызлар һәм район волонтерлары – сугышчыларга ярдәм итү өчен көчегезне һәм вакытыгызны кызганмыйсыз, сез дә махсус хәрби операциядә катнашучылар кебек үк геройлар, сезнең ярдәмегезгә безнең сугышчыларның сугышчан кәефе бәйле.

Залның көчле алкышлары астында район җитәкчесе Гөлсинә Аккуловага, Галина Андреевага, Людмила Даниловага, Светлана Еграшкинага, Галина Киселевага, Ольга Копаневага, Нина Литтага, Валентина Маклаковага, Марина Мельниковага, Наталья Охотниковага, Гөлчәчәк Рәхимовага, Наталья Сафроновага, Любовь Терентьевага, Вероника Тихоновага, Галина Харитоновага һәм Марина Царегородцевага Рәхмәт хатлары, чәчәк бәйләмнәре һәм бүләкләр тапшырды.

Камил Гилманов шулай ук актив тормыш позициясе һәм волонтерлар хәрәкәтендә шәхсән катнашкан өчен Феодосий Тотемский чиркәве каршындагы чиркәү-приход мәктәбе коллективына (җитәкчесе Антонина Коврякова) һәм “Росгосстрах” иминият компаниясе коллективына (җитәкчесе Ләйсән Хисмәтова) Рәхмәт хатлары тапшырды.

Залда утыручы хатын-кызларны район ветераннар хәрәкәте җитәкчесе Виталий Маркин тәбрикләде. Ул махсус хәрби операциядә катнашучыларга ярдәм оештыруда катнашкан өчен Татьяна Титовага, Раиса Мишанинага, Валентина Гурьяновага, Әлфия Гавриловага, Любовь Львовага, Валентина Давыдовага һәм Светлана Мясниковага “Ватанга хезмәт итәм” иҗтимагый оешмасының Рәхмәт хатларын тапшырды.

Бу кичә якты хис-кичерешләр белән тулды, сәхнәдән котлау сүзләре яңгырады. Кичә программасында дулкынландыргыч минутлар да күп булды.

Хатын-кызлар хөрмәтенә районның иң яхшы үзешчәннәре җырлар башкарды, хореография коллективлары тамашачыларга ялкынлы бию композицияләре бүләк итте.