Аксубай районы мәктәпләрендә һәм техникумда Әтиләр көненә багышланган чаралар узды

Аерым мәктәпләрдә малайлар, кызлар, әтиләр командалары катнашкан волейбол турнирлары узды.

Бу шулай ук төркем танып-белү активлыгы алымын кулланып төзелгән өлкән сыйныф укучылары белән “ӘТИләр турында” дип аталган интерактив дәресләр дә. Әмма, нигездә, мәктәпләрдә чаралар иҗади остаханәләр буларак узды. Бәйрәмнең геройлары әтиләр иде, ә бәйрәмнәрдә бүләк тапшыру гадәте бар. Үз кулларың белән ясалган бүләктән дә кадерлерәк нәрсә юк. Бигрәк тә ул балалар кулы белән ясалганда.

Урта мәктәпләрдә бәйрәм чараларын – директорлар киңәшчеләре, төп мәктәпләрдә тәрбия эшләре буенча урынбасарлар оештырды.

– Әтиләр көне – гаиләне ныгытуга, балаларны тәрбияләүдә әтиләрнең ролен күтәрүгә юнәлдерелгән бәйрәм, – дип сөйли тәрбия эшләре буенча куратор Наталия Хәйруллина. – Әтиләр теләсә кайсы вакытта яклаучылар, балалары өчен таяныч һәм үрнәк булып калалар. Ә бүген алардан тагын үз баласы белән бергә атларга һәм кирәк вакытта ышанычлы терәк булу да таләп ителә. Бу көннәрдә мәктәпләрдә булып мин балаларның әтиләре өчен нинди котлау открыткалары ясаганнарын күрдем.