Аксубай районы Казанда язгы ярминкә сезонын ачты
Казан сәүдә мәйданчыгы кабат товарлар белән килгән аксубайлыларны каршы алды.
Районның авыл хуҗалыгы предприятиеләре, фермерлары һәм шәхси хуҗалыклары шәһәр халкы өчен үз хуҗалыкларында, бакчаларда һәм кырларда үстерелгән продукциянең киң ассортиментын әзерләгән.
Ярминкә сәүдәсе шәһәр халкына табигый товарлар: сыер ите, кош ите, йомырка, бәрәңге, яшелчәләр, сөт һәм сөт продуктлары, хуш исле бал, ашлык сатып алу өчен яхшы мөмкинлек бирә. Бәяләр кибетләрдәгедән күпкә арзанрак, ә сыйфат – җитештерүчеләр тарафыннан гарантияләнгән. Мәйданда бәйрәм рухын район артистлары тудырды. Алар ялкынлы концерт программасы белән чыгыш ясап, ярминкәне барлык кунаклар өчен чын бәйрәмгә әйләндерделәр.
Фото район авыл хуҗалыгы һәм азык-төлек идарәсе архивыннан.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев