Аксубай пенсионерларын хастаханәгә бушлай алып баралар

Әлеге проект кысаларында аның төп хезмәтләренең берсе – 65 яшьтән өлкәнрәк кешеләрне үзәк район хастаханәсенә бушлай китерү. ««Нежность» халыкка социаль хезмәт күрсәтү комплекслы үзәгеннән махсуслаштырылган транспорт аларга тикшерү һәм дәвалануга билгеләнү алу өчен уңайлылык һәм куркынычсызлык белән табибларга барып җитәргә һәм шулай ук өйләренә кайтырга ярдәм итә. Сәфәрдә өлкәннәрне фельдшерлар, социаль хезмәткәрләр озата бара.

Әгәр дә авыл кешесенең транспортка ия булган туганнары яисә якын кешеләре булмаса, аларга хастаханәгә барып җитү һәм кабул итүдән соң өйгә кайту бик проблемалы.

2025 ел башыннан бу хезмәт тарафыннан сәламәтлек саклау учреждениесенә 858 пенсионер китерелгән. Бу планда билгеләнгәннән шактый күбрәк.

Мондый игътибар нәтиҗәсендә бигрәк тә мөстәкыйль рәвештә авырлык белән генә хәрәкәтләнгән районның өлкән яшьтәге кешеләренә вакытында медицина ярдәме күрсәтелә. Ул әлеге категория гражданнар өчен бик кирәкле.

– Өлкәннәрне үзәк район хастаханәсенә илтү эшендә без хастаханә хезмәткәрләре белән хезмәттәшлек итәбез, – ди үзәкнең өйдә хезмәт күрсәтү бүлеге мөдире Ольга Пименова. – Бу хезмәттәшлек нәтиҗәләрен бирә – әбиләр һәм бабайлар вакытында табиблар каравын үтәләр, кирәк булганда дәваланалар һәм шуның белән сәламәтлекләрен саклыйлар, актив булып калалар. Алар безгә мондый кайгыртуыбыз өчен чын күңелдән рәхмәт әйтәләр.