Аксубай музеенда студентлар өчен яңа ел төне оештырдылар

Бусагада балаларны Кыш бабай белән Кар кызы каршы алды. Әкият персонажлары белән студентлар музей экспозицияләре буенча яңа ел сәяхәтенә чумдылар. Һәр тарихи залның үз темасы бар. Яшьләргә мәктәп программасыннан төрле фәннәр буенча белгәннәрен искә төшерергә туры килде. Алар алып баручыларның биремнәрен уңышлы үтәделәр һәм үзенчәлекле сынау уздылар.

«Музейда Яңа ел төне» балаларны иҗатка да җәлеп итте. Кунакларга гипстан ясалган яңа ел уенчыкларын буяу буенча осталык дәресендә катнашу аеруча ошады. Кызыклы квест татлы тәм-томнар алу белән тәмамланды.