Аксубай машина йөртүчесеннән җавап бирүен сорыйлар

Әлмәт шәһәрендә яшәүче Лилия Мөхәммәтҗанова белән дә шулай була. Ул редакциягә 2001 елның октябрендә язмыш кушуы буенча очраткан танышын эзләп табуда ярдәм сорап мөрәҗәгать итте. Ул Нурлаттан үз шәһәренә кайта торган була. Юл уңаенда машина көтеп тора. Аның каршына Әлмәт районына бара торган КамАЗ-үзбушаткыч машинасы килеп туктый. Машина йөртүче – яшь кеше була (Лилия тасвирлаганча, кара, бөдрә чәчле). Юлда барганда алар сөйләшеп китәләр. Ул үзенең Аксубай районы “Сельхозтехника”сында эшләвен әйтә. Әлмәт районы хуҗалыкларының берсенә чөгендер ташырга командировкага җибәрелгән була. Лилиягә – өенә, шәһәргә, ә аңа – Сиренькинга кайтып җитәргә кирәк була. Бу торак пункттан өйгә кадәр ераклык аз булмый, һәм ул ничек кайтып җитәрмен икән инде дип борчыла башлый. Ләкин машина йөртүче, кызны кызганып, аны шәһәргә, төп юл чатына кадәр илтеп куя.

Юлда төрле темаларга сөйләшәләр. Ул икътисади авыр елларда, күрәсең, продуктлар белән проблемалар да булган. Машина йөртүче аңа шикәр комы китерергә вәгъдә итә. Һәм сүзендә тора, Лилия яшәгән йортны табып, вәгъдә иткәнне алып килеп бирә. Ул шул адрес буенча ике тапкыр килә, ләкин Лилия белән күрешә алмый.

Егерме елдан артык вакыт узгач, Лилия Аксубайга килеп эләгә. Аның бу кешене табасы килә (исемен хәтерләми) һәм шул вакытта аңа ярдәм иткәне һәм күчтәнәч алып килгәне өчен рәхмәт сүзләрен белдерәсе килә. Бәлки, бу безнең газета укучыларыбызның берәрседер. Кем дә булса бу хәлгә бәйле үзен таныса, Лилия аның җавап бирүен сорый.

Лилиянең телефон номеры редакциядә бар.