Аксубай җиңел атлеты Казан алтын кубогын яулады

Бу ел саен уздырыла торган ярышлар Казанда узды һәм чаңгы ярышлары буенча тренер-укытучы С.Б. Пресняков истәлегенә багышланды. Тренер Рәмис Бикулов тәрбияләнүчесе Сәид Кадыйров яхшы чыгыш ясады – 2007-2008 елгы йөгерешчеләр арасында дистанцияне беренче булып төгәлләде.

Бу җиңү алдыннан Яр Чаллыда узган җиңел атлетика кроссы буенча Татарстан Республикасы беренчелегендә уңышлы катнашып, ул икенче урынны яулаган иде.
Сәид 11 сыйныфта укый. Ул яшьтән үк спорт белән шөгыльләнә, район ярышларында катнаша, җиңел атлетика буенча республика ярышларында район данын яклый һәм яхшы нәтиҗәләргә ирешә.