Аксубай игенчеләре күпьеллык үләннәр мәйданнарының яртысыннан артыгын тырмаладылар

Район авыл хуҗалыгы һәм азык-төлек идарәсенең 22 апрельгә оператив мәгълүматларына караганда, күпьеллык үләннәрне тырмалау 4900 гектардан артык мәйданда башкарылган, план буенча 53 процент тәшкил итә. Район кырларында көзге культураларны тырмалау башланган, бу агрочараны 19 меңнән артык гектарда үткәрергә кирәк. 9275 гектарда пар җирләрен тырмалау үткәрелгән (план күрсәткеченең 22 проценты).