Аксубай игенчеләре чәчүне тизләтелгән режимда алып баралар

Район авыл хуҗалыгы идарәсеннән алынган мәгълүматларга караганда, 30 апрельгә район буенча барлыгы 6318 гектар чәчелгән, бу – план күрсәткеченең 14 процентын тәшкил итә.

«Актай» АПКның чәчү агрегатлары өзлексез эшли. Чәчү күләме 95 процентка үтәлгән. «Чистополье» ХКның «Аксу Агро» АФ басуларының 30 процентына сабан культуралары чәчелгән. Игенчеләр, чәчүне туфракта дым булганда һәм кыска вакыт эчендә төгәлләргә омтылып, зур киеренкелек белән эшлиләр.