“Аксубай егетләре” балалар баянчылар ансамбле ветераннарны Җиңү көне белән котлады

Яшь музыкантлар сугыш катнашучысы Николай Иванович Панюковның һәм ветеранның тол хатыны Нина Егоровна Исмуллинаның хәлен белделәр. Җылы атмосферада ансамбль сугыш еллары җырларын башкарды, ветераннарга шатлык һәм үткәннәр турында истәлекләр бүләк итте. Хөрмәт һәм рәхмәт йөзеннән артистлар аларга чәчәкләр тапшырдылар.

Мондый очрашулар үсеп килүче яшь буын өчен аеруча мөһим, чөнки алар буыннар арасындагы бәйләнешне саклый һәм балаларны безнең геройларның батырлыкларын бәяләргә өйрәтә.