Аксубай артистларына «Балкыш»та «Ура!» кычкырып кул чаптылар

Иҗади конкурс кичә Алексеевск шәһәрендә узды. Анда республиканың Кама аръягы зонасының өлкән буынының иң сәләтле вәкилләре катнашты. Безнең районны район мәдәният йортының «Настроение», «Вдохновение» һәм «Мечта» хореография ансамбльләре (җитәкчеләре Валентина Гурьянова, Әлфия Рәхмәтуллина), «Тăван кил» – Кече Сөнчәле авыл клубы, солистлар Лилия Нураева, Нина Волкова, Зоя Захарова, Солтан Рәхмәтуллин тәкъдим итте. ТР атказанган мәдәният хезмәткәре Наилә Крайнова җитәкчелегендәге «Аксубай егктләре» баянчылар халык ансамбле белән шулай ук балалар сәнгать мәктәбе укытучысы, ТРның атказанган мәдәният хезмәткәре Владимир Лосюгин чыгыш ясады.

Безнең артистлар тамашачыларны һәм жюрины үзләренең якты, талантлы чыгышлары белән яулап алды. Алар конкурсның зональ этабының сайлап алу турын уңышлы узды. Аксубайлылар чыгышлары тамашачыларда һәм жюрида онытылмас тәэсир калдырды.