«Аксу» футбол командасы Бөтенроссия ярышларында җиңү яулады

Бу юлы «WINTER CHAMPIONS CUP 2022» турнирында тренер Александр Лодоркинда спорт тәрбиясе алган 2009-2010 елларда туган малайлар командасы мини-футбол буенча җиңүче булды.

Яшь футболчылар Аксубай районына, спорт мәктәбенә тагын бер җиңү һәм тренерга горурлык алып килделәр.

– Малайларның һәр җиңүе – ата-аналар өчен горурлык. Тренерга рәхмәт, Александр Владимирович команда рухын формалаштырып, аларның һәркайсын максатларына алып бара, – дип билгеләп үттеләр яшь футболчыларның әти-әниләре.