«Аксу Агро» ҖЧҖендә «арбаны кышын» әзерлиләр

Көзге кыр эшләре күптән тәмамланды, әмма авыл хуҗалыгы предприятиесе хезмәткәрләренең яллары юк, алар язын кырда кар эреп бетү белән басуга чыгачак агрегатларны әзерлиләр. Үзәк база тимерлегендә сабаннарны ремонтлау эшләре бара. Мич эчендә ут яна. Тимерче Павел Белов тимер чүкеч белән оста эш итә. Бу эшкә ул шактый елларын багышлаган, быелгы сезонны механизатор булып эшләгән. Шулай ук механизаторлар Алексей Ижутов, Анатолий Уфандеев һәм Валентин Наумов та тимерчелектә хезмәт куялар. Алар тырмаларны ремонтлыйлар. Бригада бердәм эшли – төзекләндерелгән тырмалар бер-бер артлы әзер эшләнмәләр урынында туплана бара.

Урак өсте көннәрендә – һәркемнең үз бурычы. Узган сезонда алар ашламалар сиптерү белән мәшгуль булдылар, су ташып тордылар һәм үз эшләрен намус белән башкардылар. Октябрь аенда сабаннарны ремонтлауга керештеләр һәм монда да пөхтәлек һәм хуҗаларча караш күрсәтәләр.