Соңгы яңалыклар
2026 елда социаль пенсияләрне арттыру: Татарстанда кемгә һәм күпме өстәячәкләр
Киләсе елда татарстанлыларга пенсияләр индексацияләнәчәк. Республика пенсионерларына түләүләр күләме күпмегә артачак?
1 апрельдән социаль пенсияләрне 6,8% ка индексацияләү планлаштырыла. Бу күрсәткеч фаразлана торган инфляция дәрәҗәсенә туры килә.
Исегезгә төшерәбез, социаль пенсия берничә төрле була: картлык, инвалидлык, туендыручысын югалту һәм ятим балалар. Картлык буенча социаль пенсияне иминият пенсиясендә кире кагылган пенсионерлар ала. Аны алу өчен кимендә 15 ел рәсми хезмәт стажы булырга, шулай ук ким дигәндә 30 пенсия баллы тупларга кирәк.
Социаль пенсияләрне индексацияләү автомат рәвештә башкарылачак, моның өчен бернинди документлар да бирергә кирәкми. 2026 елда социаль пенсиянең минималь күләме 9424,1 сум тәшкил итәчәк. Әмма бу түләү пенсионерның бердәнбер түләве булса, аңа яшәү минимумына кадәр социаль өстәмә түләү өстиләр, ул Татарстанда киләсе елда 16 098 сум тәшкил итәчәк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев