«Подписка өчен телевизор» оту мөмкинлеге бар

"ТАТМЕДИА" АҖ һәр язылу кампаниясендә бәйге оештыра һәм язылучыларга призлар бүләк итә.

Агымдагы елның икенче яртыеллыгына "ТАТМЕДИА" басмаларына язылу нәтиҗәләре буенча чираттагы призлар иң актив язылучылар арасында уйнатылачак. Бу бәйгедә катнашу өчен "ТАТМЕДИА" АҖнең 3тән дә ким булмаган басмасына язылып, язылу квитанцияләре нөсхәләрен юлларга кирәк иде.

Әлеге таләпләрне төгәл үтәгән һәм призлар уйнатуда катнашу хокукына ия язылучылар исемлеге "ТАТМЕДИА" АҖ сайтында урнаштырылган. Алар арасында безнең районнан ике кеше - Аксубай 2 нче мәктәбенең тарих фәне укытучысы Геннадий Валерьевич Горбунов һәм Түбән Татар Майнасы авылы мәктәбенең татар теле һәм әдәбияты укытучысы Фәнүзә Госман кызы Гафиятуллина да бар.

"Языл һәм телевизор от" акциясе буенча призлар 18 август көнне уйнатылачак. Аларның төп приз - телевизор оту мөмкинлекләре бар. Җиңүчеләргә шулай ук фотоаппаратлар һәм җылы одеяллар да тапшырачаклар. Аннан тыш, Татарстанның һәр районыннан иң зур суммага гәзит һәм журналларга язылган бер кеше, призлар уйнату нәтиҗәләреннән тыш, кызыксындыру призына ия булачак.

Реклама 16+

Акция 2017 елның 15 маеннан 2017 елның 20 сентябренә кадәр дәвам итәчәк.

Акция турындагы тулырак мәгълүматлар һәм призлар алу тәртибе - www.tatmedia.ru сайтында.