Йортсыз мәчеләр – хуҗаларына шелтә!

Салкын көннәр хуҗалары ташлаган хайваннар өчен сынаулар да китерде. Бу проблема турында редакциягә бистәдә яшәүче Татьяна Михайлова язды.

«Һәркем, мөгаен, үзәктә булганда, урамда туңган мәчеләрнең җылынырга тырышканын күргәндер. Без үзәктә хуҗасыз йөргән биш мәче санадык, алар җылы диваларга сыеналар һәм кибетләр янында сыену урыны эзлиләр. Хайваннар алҗыган, ачыккан күренәләр. Яхшы кешеләр аларны бераз җылытыр өчен тартмалар куялар, ашарга бирәләр, ләкин бу вакытлыча гына ярдәм. Җылы йортсыз аларның туңып, авырып, үлеп китү куркынычы бар. Үзләрен ташлап киткәнгә алар түгел, ә хуҗалары гаепле. Менә шундыйларга мөрәҗәгать итеп, вөҗдансыз булмагыз, хайваннарыгызны язмыш кочагына ташламагыз, дип әйтәсе килә. Мәче – гаилә әгъзасы, ә авыр йөк түгел. Сабырлык, рухи сыйфатлар күрсәтегез. Әгәр кайгырта алмасагыз, социаль челтәрләр аша, танышлар аша аларга яңа йорт табыгыз. Ышанычка хыянәт итүчеләр булмагыз. Кулга ияләштердең икән – җавап бир, кешелек сыйфатларыңны күрсәт».