Җиңү көне алдыннан Аксубай шәһәр тибындагы бистәсендә Хәрби дан паркында Мәңгелек уттан кабызылган “Җиңү уты”н тапшыру тантанасы узды.
Акция “Бердәм Россия” партиясе ярдәмендә “Җиңү утын саклыйбыз” Россия Президенты Владимир Путин инициативасы белән уздырыла.
Сугышчан Дан паркына авыл җирлекләре башлыклары, барлык төр гаскәрләр вәкилләре, байрак йөртүчеләр, яшь армиячеләр җыелды. Сугыш маршлары астында Мәңгелек ут факелы районның авыл җирлекләре делегацияләренә тапшырылды. “Җиңү уты” 9 Майда Бөек Ватан сугышы геройлары истәлегенә куелган мемориаллар янында кабызу өчен һәр авылга китереләчәк.
Акция совет халкының батырлыгы истәлеген саклауга, буыннарны берләштерүгә, Бөек Җиңүнең илнең һәр кешесе өчен әһәмиятен ассызыклауга юнәлдерелгән.
Бу ут – халкыбызның батырлыгы, ныклыгы һәм бердәмлеге символы. Без геройлар турындагы истәлекне киләчәк буыннарга тапшырырга тиеш.
9 майда кабызылган ут бөтен Аксубай районы буенча тантаналы чараларның бер өлеше булачак, “Беркем дә онытылмады, бернәрсә дә онытылмады”, дип искәртәчәк.
Нет комментариев