Сәхнәдә – укытучылар

Быел район үзәге мәктәпләре мөгаллимнәре һәм мәгариф бүлеге хезмәткәрләре үзләренең хисап концертларында үткәнгә экссәяхәт тәкъдим иттеләр.

Тамашачылар 50нче еллардан алып бүгенгесе көнгә кадәр барган мәдәнияттагы, мәгарифтәге үзгәрешләрне күзәттеләр. Ялкынлы эстрада биюен һәм салмак вальсны зал көчле алкышларга күмде. Педагоглар хорда да, ялгыз башкаруда да осталыкларын күрсәттеләр. Концерт соңыннан мәгариф бүлеге җитәкчесе Әминә Вәлиуллина "Ел укытучысы" төбәк этабында катнашкан Флера Вафинага, Юлия Дмитриевага (читтән торып катнашучы) һәм тәрбияче Мария Мишинага кызыксындыру бүләкләре тапшырды.