Шарм-дискотека

Җәйге каникуллар тәмамлануга ике атна вакыт калды. Һәм бу вакытны балалар рәхәтләнеп һәм бик күп сөенечләр алып үткәрсеннәр өчен район мәдәният йорты хезмәткәрләре һава шарлары бәйрәме оештырдылар. Паркка кечкенә сабыйлары белән яшь әниләр, оныклары белән әбиләр килде, яшүсмерләр дә читләтеп узмады. Бөтенесе бергә рәхәтләнеп алып баручылар үткәргән викториналарда һәм кызыклы бәйгеләрдә катнаштылар. һава шарлары исә уеннарның төп атрибуты булды. Балалар да, олылар да дискотекадан яхшы кәеф алдылар, ә нәниләргә татлы призлар бик тә ошады.Дискотекада РФнең атказанган артисткасы Инга Оболдина һәм аның кызының катнашуы бәйрәмгә аерым үзенчәлек өстәде. Бәйрәм истәлеккә фотога төшү белән тәмамланды.