Республика укытучыларны хөрмәтләде

- Нәтиҗәләре, укучыларының нәтиҗәләре район өчен генә түгел, республика өчен дә зур билгеләнешкә ия булган лаеклы укытучыларыбыз күп, әмма тантанага иң яхшыларын гына чакырдылар, - дип билгеләп үтте мәгариф бүлеге җитәкчесе Станислав Зайцев.

Делегатлар арасында - 100 балл җыючы укучыны әзерләгән Иске Тимошкино урта мәктәбенең рус теле һәм әдәбияты укытучысы Людмила Тихонова, Г. Романов исемендәге Кәкре Күл урта гомумбелем бирү мәктәбе директоры Наталья Воронина - аның җитәкчелегендә мәктәп Татарстанның иң яхшы авыл мәктәпләре арасына керде, Аксубайның 3 нче мәктәбендә белем бирүче рус теле һәм әдәбияты укытучысы Юлия Дмитриева - "Педагогик дебют" номинациясендә "Ел укытучысы" республика бәйгесе лауреаты, универсаль технологияләр техникумы директоры - кадрлар әзерләүче Фәрхат Аюпов, мәгариф хезмәткәрләре Спартакиадасында гир күтәрү буенча беренче урын алган Иске Ибрай урта мәктәбенең физкультура укытучысы Рәис Бикушев, мәгариф бүлеге җитәкчесе Станислав Зайцев һәм аның урынбасары Гөлнур Идиятова да бар иде.