Пушкин укулары-2018

Әлеге мәктәптә шигърияткә, атап әйткәндә, рус шагыйрьләре иҗатына карата мөнәсәбәт аерым. Монда шигырь укучылар бәйгеләре, әдәби кичәләр даими оештырыла.

Пушкин укулары китапханәче Фәридә Фәизова әзерләгән "Пушкин - рус шигърияте кояшы" мультимедияле презентациядән башланып китте. А.С. Пушкин шигырьләренә иҗат ителгән романслар яңгырады. Жюри рәисе Валентина Селезневаның сәламләү чыгышыннан һәм тугызынчы сыйныф укучылары куйган театральләштерелгән тамашадан соң, шигырь укучылар бәйгесе башланды. Анда 22 укучы катнашты. Нәтиҗәләр ясалган арада балалар китапханәсе мөдире Валентина Давыдова "Мин башлыйм, ә син дәвам ит" әдәби уен үткәрде. Жюри игълан иткән нәтиҗәләр буенча Арина Петрянкина, Альбина Закирова, Дарья Мартынова, Артем Воркунов, Юлия Турлукова, Ника Кабидова җиңүчеләр итеп танылдылар.