Аксубай районы Киса авылында дәртле, иҗади кешеләр яши

Авылда шәхси хуҗалыксыз яшәүне күз алдына да китереп булмый, әмма ул чиксез игътибар таләп итә. Ләкин клубка килгәч, хатын-кызлар, әниләр, әбиләр барлык эш-мәшәкатьләрен дә оныталар.

Авыл клубы чараларында, концертларда һәм театральләштерелгән тамашаларда катнашып, алар авылдашларының тормышын тагын да эчтәлеклерәк һәм күңеллерәк итәләр. Һәм бу гына да түгел. Кисалылар концерт программалары белән күрше Нурлат районына да чыгалар. Аларны район бәйрәмнәренә чакыру традициягә әверелгән инде.

Сабан туенда исә сәхнә иҗатына гашыйк кисалылар һәрвакыт игътибар үзәгендә.