Сөнчәле мәктәп яны лагеренда үзеңне куркынычсыз тоту вәзгыятен уйнадылар

Тәрбия буенча директор киңәшчесе Ирина Авдеева һәм тәрбиячеләр җитәкчелегендә балалар төрле шартларда: көнкүрештә һәм урамда, җәмәгать урыннарында, елгада һәм янгын вакытында үз-үзләрен хәвефсез тотуның төп кагыйдәләрен искә төшерделәр.

Боларның барысын да укучылар театральләштерелгән формада күрсәттеләр.

Аларга гадәттән тыш хәл килеп чыккан очракта мөрәҗәгать итәргә мөмкин булган ашыгыч хезмәтләрнең номерларын искә төшерергә тәкъдим ителде. Ял итүче балалар дәресләргә күтәренке кәеф белән һәм фантазияләрен эшкә җигеп кушылдылар.

Чарада коррупциягә каршы көрәш мәсьәләләре буенча район башлыгы ярдәмчесе Эльмира Крайнова һәм киңәшчеләрнең муниципаль координаторы Наталия Хәйруллина катнашты.

– Сезнең җәйге каникулларыгыз имин һәм бәхетле узсын, – дигән фатихаларын бирделәр кунаклар ял итүчеләргә.